Մենք նկատում ենք այն, ինչ արդեն ամրապնդված է հիշողության մեջ կամ հաճախ կրկնվում է

Խորացված ուսումնասիրություն

Բոլոր շեղումները

Հասանելիության էվրիստիկա

Մենք հակված ենք գերագնահատելու այն իրադարձությունների հավանականությունը, որոնք հեշտ են տպավորվում մեր հիշողության մեջ, հաճախ՝ վերջերս տեղի ունեցած լինելու կամ խորը հուզական ազդեցության պատճառով։

Ուշադրության կողմնակալություն

Մենք հաճախ սևեռվում ենք որոշ երևույթների վրա՝ անտեսելով մյուսները, ինչը մեծամասամբ պայմանավորված է մեր տվյալ պահի հոգեվիճակով կամ անհանգստություններով։

Պատրանքային ճշմարտության էֆեկտ

Շատ հաճախ սկսում ենք հավատալ որևէ տեղեկության պարզապես այն պատճառով, որ բազմիցս լսել ենք այն՝ անկախ նրանից, թե որքանով է դա համապատասխանում իրականությանը։

Զուտ ազդեցության էֆեկտ

Մեր նախապատվությունն ու համակրանքը հաճախ տալիս ենք այն ամենին, ինչը մեզ պարզապես ավելի ծանոթ է ու հոգեհարազատ։

Համատեքստի էֆեկտ

Այն, թե ինչպես ենք ընկալում տարբեր երևույթներ, մեծապես կախված է տվյալ պահի համատեքստից կամ շրջապատող միջավայրից։

Հուշումներից կախված մոռացում

Երբեմն դժվարանում ենք վերհիշել այս կամ այն տեղեկությունը, եթե բացակայում են այն հուշող մանրամասները, որոնք առկա են եղել հիշողության ձևավորման պահին։

Տրամադրությանը համապատասխանող հիշողության կողմնակալություն

Մենք շատ ավելի արագ և հեշտությամբ ենք վերապրում ու հիշում այն իրադարձությունները, որոնք համահունչ են մեր տվյալ պահի տրամադրությանը։

Հաճախականության պատրանք (Բադեր-Մայնհոֆի ֆենոմեն)

Երբ ինչ-որ բան գրավում է մեր ուշադրությունն առաջին անգամ, սկսում ենք այն անընդհատ նկատել և տպավորություն է ստեղծվում, թե այն հանկարծ հայտնվել է ամենուր։

Էմպատիայի բաց

Մենք հաճախ չենք գիտակցում, թե որքան մեծ ազդեցություն կարող են ունենալ հույզերը ինչպես մեր, այնպես էլ դիմացինի որոշումների և պահվածքի վրա։

Բացթողման կողմնակալություն

Մենք հակված ենք վնաս հասցնող գործողություններն ավելի խիստ դատապարտելու, քան ճիշտ նույնքան վնասաբեր անգործությունը։

Բազային տոկոսադրույքի մոլորություն

Հաճախ անտեսում ենք ընդհանուր վիճակագրական տվյալներն ու օրինաչափությունները՝ կենտրոնանալով միայն առանձին, մասնավոր դեպքերի վրա։