យើងត្រូវបានទាក់ទាញទៅរកព័ត៌មានលម្អិតដែលបញ្ជាក់ជំនឿដែលមានស្រាប់របស់យើង

ស្វែងយល់លម្អិត

អគតិទាំងអស់

ភាពលម្អៀងនៃការបញ្ជាក់

យើងតែងតែស្វែងរកនិងបកស្រាយព័ត៌មានតាមរបៀបណា ដែលចូលទៅគាំទ្រជំនឿដែលយើងមានស្រាប់។

ភាពលម្អៀងនៃការស្របគ្នា

យើងចូលចិត្តសាកល្បងសម្មតិកម្មរបស់យើងដោយផ្ទាល់ ដោយមិនសូវខ្វល់ពីការព្យាយាមរកមើលសម្មតិកម្មផ្សេងទៀតទេ។

ភាពលម្អៀងគាំទ្រជម្រើស

យើងតែងតែមានអារម្មណ៍ថាជម្រើសដែលយើងបានរើស គឺល្អជាងអ្វីដែលវាមានពិតប្រាកដ។

ការយល់ឃើញដោយជ្រើសរើស

យើងជ្រើសរើសមើល និងស្តាប់តែអ្វីដែលស្របនឹងការរំពឹងទុក ឬជំនឿផ្ទាល់ខ្លួនរបស់យើងប៉ុណ្ណោះ។

បាតុភូតការរំពឹងទុករបស់អ្នកសង្កេត

ការរំពឹងទុករបស់អ្នកស្រាវជ្រាវ អាចជះឥទ្ធិពលទៅលើឥរិយាបថរបស់អ្នកដែលចូលរួមក្នុងការសិក្សាបានយ៉ាងងាយ។

ភាពលម្អៀងរបស់អ្នកពិសោធន៍

ពេលខ្លះ ការរំពឹងទុករបស់អ្នកពិសោធន៍បានជះឥទ្ធិពលដោយមិនដឹងខ្លួន ទៅលើលទ្ធផលនៃការស្រាវជ្រាវរបស់ពួកគេផ្ទាល់។

បាតុភូតអ្នកសង្កេត

សកម្មភាពនៃការតាមដានសង្កេតអ្វីមួយ អាចធ្វើឱ្យអ្វីដែលកំពុងត្រូវបានសង្កេតនោះផ្លាស់ប្តូរលក្ខណៈដើម។

ភាពលម្អៀងនៃការរំពឹងទុក

នៅក្នុងទិន្នន័យឬការសង្កេត យើងតែងតែចង់ឃើញតែអ្វីដែលយើងរំពឹងថានឹងបានឃើញប៉ុណ្ណោះ។

បាតុភូតសត្វអូទ្រីស

ពេលខ្លះយើងចូលចិត្តធ្វើពុតជាមិនដឹងមិនឮចំពោះព័ត៌មានអាក្រក់ៗ ដូចសត្វអូទ្រីសកប់ក្បាលក្នុងខ្សាច់អញ្ចឹងដែរ។

ការធ្វើសុពលភាពតាមអត្តនោម័ត

យើងច្រើនតែភ្ជាប់ព្រឹត្តិការណ៍ពីរដែលមិនពាក់ព័ន្ធគ្នា ដោយសារតែយើងជឿឬរំពឹងថាវាគួរតែមានទំនាក់ទំនងនឹងគ្នា។

បាតុភូតឥទ្ធិពលបន្តបន្ទាប់

ទោះបីជាត្រូវបានគេកែតម្រូវហើយក៏ដោយ ក៏ព័ត៌មានមិនពិតនៅតែបន្តមានឥទ្ធិពលលើការគិតរបស់យើងដដែល។

ប្រតិកម្ម Semmelweis

យើងមានទំនោរបដិសេធភ្លាមៗចំពោះភស្តុតាងថ្មីៗណា ដែលផ្ទុយពីទម្លាប់ ឬជំនឿដែលយើងធ្លាប់តែប្រកាន់ខ្ជាប់។